I

Ser meda girtin 
Berbangeke kûr
Em du bira bûn 
Eme deste vala

Isdêrk huldişîyan 
Dîkê subê hê xewdabûn 
Em du bira bûn
Ketibûn pey belengazîya xwe
Derketibûn serê çîya

Çîya ne bê bext bûn
Mîna cendirma 

Pêxasbûn
Birçîbûn
Û belengazîya mera
Vekiribûn hemêza xwene mezin 
                                       ÇÎYA

Sîha me bû mera heval 
Yek jî çîyayê bilinde por sipî 
Me zanibû 
Çîya ne bê bext bûn
Mîna cendirma ...

II

Helya 
Berfa zivistana reşe dirêj 
Derbihare niha 
Gundî gi derketin  COT 
Çar kod cehê me man 
                      ÇELADA

Em du birane
Dudu jî tivingê  MARTENΠ 
Ketin serê van çîya

Çîya ne bê bextin 
Mîna cendirma

Guhê me ne qiryaye 
Dilê me tijî kul
Kes newêre bê ser meda
Mîrata mirinê rû sare ...

Dûrva tê xuyanê kulîlkê zozana 
Û tê dengê şivan û gavana 
Gelo bigîjin em, wan çaxana  
                                      ZOZANA
                                       KOTANA
                                       GAVANA

Em du birane 
Baranê dest pê kirîye 
                            Îşev

Mîna zalimekî  heyanî subê 
Bê dew û bê dar be  
Rûbarê dunêda

Kevir û kuç dane hev 
Ser meda tê çar gav 
                           ŞEV

Dîsa kete bîra min 
                  XEZAL

Porê zer
Çavên reş 
Û kenê delalva 
Gilî gazinê xwe meyne ser meda

Reva me, 
Reveke pir bê eman e 
Derd kul û birîneke bê derman e
Em herdu bira 
Derketin serê
                     VAN  ÇÎYA

Em du birane 
Dudu jî tivingê  MARTENΠ
Ketin serê van  ÇÎYA... 

* Ev helbest salên 60î da di kovara Yeni Akiş'ta hatîye capkirin...